ພຽງເເຕ່ເຂົ້າເວັບໄຊ ອາດຈະຕິດ ໄວຣັສ Ransomware



ໂດຍອີງຕາມຂໍ້ມູນຂອງໜ່ວຍງານບໍລິການຮັກສາຄວາມປອດໄພດ້ານໄອທີຂອງບໍລິສັດ ກສທ ໂທລະຄົມມະນາຄົມ ຈຳກັດມະຫາຊົນ ປະເທດໄທ ຫຼື IT Security CAT cyfence ບອກວ່າ ໄດ້ກວດພົບ Ransomware ຫຼື ມານເເວຮຽກເອົາຄ່າໄຖ່ຈາກເວັບໄຊ ໃນປະເທດໄທ ຕະກູນ BehavesLike.Win32.PWSZbot.gc ຊຶ່ງໄດ້ຖືກສະເເກນໂດຍໂປຣແກຣມປ້ອງກັນໄວຣັສຄອມພີວເຕີ ທີ່ຊື່ວ່າ: McAfee-GW-Edition.

RANSOMWARE ແມ່ນໂປຣແກຣມ ໄວຣັສຄອມພີວເຕີ ທີ່ອອກແບບມາເພື່ອຮຽກເອົາຄ່າໄຖ່ຂອງເຫຍື່ອ ໂດຍເກີດຈາກການກົດ Link ອັນຕະລາຍ ຫຼື ດາວໂຫຼດເອົາໄຟລ໌ຕ່າງໆທີ່ແນບມາກັບຈົດໝາຍເອເລັກໂຕຣນິກ ເພື່ອເປີດເອກະສານ ແຕ່ກັບກາຍເປັນພວກມານແວ ອັນຕະລາຍ.

ການຕິດ Ransomware ແມ່ນພຽງແຕ່ເຫຍື່ອກົດເຂົ້າເວັບໄຊທີ່ຖືກເເຮກເກີ້ຄວບຄູມ ເເລະ ລັກຝັງໄຟລ໌ Malware ທີ່ເປັນອັນຕະລາຍ ເພຶ່ອຕົວະໃຫ້ເຫຍື່ອດາວໂຫຼດໄຟລ໌ ຈາກໜ້າທຳອິດຂອງເວັບໄຊ ເທົ່ານັ້ນ.

ຄວາມເສຍຫາຍທີ່ເກິດຂຶ້ນຈາກ Ransomware ຊະນິດນີ້ ຈະເຮັດໃຫ້ໄຟລ໌ຂໍ້ມູນໃນເຄື່ອງຄອມພິວເຕີ ຂອງຜູ້ໃຊ້ຖືກລ໋ອກເຂົ້າລະຫັດ (Encryption) ເເລະ ບໍ່ສາມາດໃຊ້ງານຈາກໄຟລ໌ຂໍ້ມູນນັ້ນໄດ້ອີກ ຊຶ່ງຕອນນີ້ຍັງບໍ່ມີ Anti-Virus ທີ່ສາມາດກວດຈັບໄດ້ເທື່ອ ໂດຍທີ່ CAT cyfence ກວດພົບມານເເວຊະນິດນີ້ ເມື່ອວັນທີ 29 ກູມພາ 2016 ນີ້ເອງ.

ກູ່ມສ່ຽງແມ່ນ ຜູ້ໃຊ້ບຣາວເຊີ Internet Explorer (IE) ຖືເປັນກຸ່ມສ່ຽງສູງສຸດ ທີ່ອາດຕິດມານເເວ Ransomware ໄດ້ ເນື່ອງຈາກບຣາວເຊີ IE ຈະບັງຄັບໃຫ້ດາວໂຫຼດ ເເລະ ຕິດຕັ້ງອັດຕະໂນມັດ ໂດຍບໍ່ຖາມຄວາມເຫັນຈາກຜູ້ໃຊ້.

* ເມື່ອຄອມພິວເຕີຕິດໄວຣັສ Ransomware ຈະເຮັດເເນວໃດ?

1. ເເຍກເຄື່ອງອອກຈາກລະບົບເຄຶ່ອຂ່າຍ ໂດຍຕັດການໃຊ້ງານອອກຈາກ Network ເເລະ ບໍ່ເຊື່ອມຕໍ່ External Drive ກັບເຄື່ອງນັ້ນ.

2. ຢຸດການໃຊ້ງານເຄື່ອງຄອມພິວເຕີໃນທັນທີ ເເລະ ຫ້າມປິດເຄື່ອງຄອມພິວເຕີ ເພຶ່ອຖ້າການກວດສອບ ເເລະ ເກັບຫຼັກຖານ.

* ຄຳເເນະນຳ ເເລະ ວິທີຫຼີກລ້ຽງການຕິດໄວຣັສ Ransomware

1. ສຳຮອງຂໍ້ມູນໄຟລ໌ໃນເຄື່ອງຄອມພິວເຕີຢ່າງສະໝ່ຳສະເໝີ ໂດຍການເເຍກເກັບຂໍ້ມູນໄວ້ໃນອຸປະກອນທີ່ບໍ່ມີການເຊື່ອມຕໍ່ກັບຄອມພິວເຕີ ຫຼື ລະບົບເຄືອຂ່າຍອື່ນໆ.

2. ອັບເດດລະບົບປະຕິບັດການ ຫຼື ເເພັດ (Patch) ໃຫ້ເປັນປັດຈຸບັນຢູ່ສະເໝີ.

3. ອັບເດດໂປຣເເກຣມປ້ອງກັນໄວຣັສ ເເລະ ໂປຣເເກຣມອື່ນໆ ຢ່າງສະໝ່ຳສະເໝີ.

4. ບໍ່ກົດລິ້ງ ຫຼື ເປີດໄຟລ໌ ທີ່ເເນບມາໃນອີເມວຈາກຜູ້ສົ່ງທີ່ບໍ່ຮູ້ຈັກ ຫຼື ບໍ່ຮູ້ເເຫຼ່ງທີ່ມາ.

5. ບໍ່ອະນຸຍາດໃຫ້ມີການ download file ຜ່ານ web browser.

6. ການແບ່ງປັນຂໍ້ມູນຮ່ວມກັນຜ່ານລະບົບເຄືອຂ່າຍ ຄວນກຳນົດສິດໃຫ້ຜູ້ໃຊ້ມີສິດອ່ານ ຫຼື ເເກ້ໄຂ ສະເພາະ ໄຟລ໌ທີ່ມີຄວາມຈຳເປັນຕ້ອງໃຊ້ເທົ່ານັ້ນ.

7. Block Execute file ຈາກອຸປະກອນປ້ອງກັນຄວາມປອດໄພ security.

ໝາຍເຫດ : ການນຳເຄື່ອງຄອມພິວເຕີກັບມາໃຊ້ງານໃໝ່ນັ້ນ ໃຫ້ເຮັດການ Format ຂໍ້ມູນໃນເຄື່ອງ ເເລະ ຕິດຕັ້ງລະບົບປະຕິບັດ ການໃໝ່ເທົ່ານັ້ນ.



ຜູ້ສະຫນັບສະຫນູນ

ຈຳນວນຜູ້ເຂົ້າຊົມເວັບໄຊ

ມື້ນີ້   10
ມື້ວານນີ້   24
ອາທິດນີ້   488
ອາທິດແລ້ວນີ້   971
ເດືອນນີ້   2776
ເດືອນແລ້ວນີ້   8303
ທັງຫມົດ   38310

ຕິດຕໍ່ພວກເຮົາ

>