ບັນດາມະຫານະຄອນແຫ່ງເຕັກໂນໂລຊີ ຂອງໂລກ

ອີງຕາມອົງການອານະໄມໂລກ ໄດ້ຄາດຄະເນວ່າ ບໍ່ຮອດ 35 ປີ ໃນອະນາຄົດຂ້າງໜ້າ ປະຊາກອນໂລກ 2/3 ຈະອາໃສຢູ່ໃນຕົວເມືອງ ຈະເພີ່ມຂຶ້ນ 2,5 ຕື້ຄົນ. ບັນດາຕົວເມືອງ ແລະ ນະຄອນທີ່ທັນສະໄໝ ຈະນຳໃຊ້ເຕັກໂນໂລຊີສື່ສານຂໍ້ມູນຂ່າວສານ ເຂົ້າມາພັດທະນາ ການດຳລົງຊີວິດຂອງປະຊາກອນ.

ເມື່ອບໍ່ດົນທີ່ຜ່ານມາ 2thinknow ຊຶ່ງເປັນອົງການຊ່ຽວຊານ ທາງດ້ານການຄົ້ນຄວ້າ ແລະ ວິເຄາະປະເມີນຜົນ ບັນດາຕົວເມືອງ, ນະຄອນ ທີ່ມີການຄິດຄົ້ນນະວັດຕະກຳ ແລະ ການນຳໃຊ້ເຕັກໂນໂລຊີຂັ້ນສູງ ໄດ້ຈັດລຳດັບ 85 ຕົວເມືອງ-ນະຄອນ ທີ່ເປັນເມືອງແຫ່ງເຕັກໂນໂລຊີ ຂັ້ນສອງຂອງໂລກ (Innovation Cities). ພວກເຮົາຂໍນໍາສະເໜີ 20 ລຳດັບທຳ

• ອັນດັບ 20 ເຖິງ 11 ປະກອບມີ:

20. ຊຽງໄຮ, ສປ ຈີນ.

19. ສະຕ໋ອກໂຮມ, ຊູແອດ

18. ສະຕູດກາດ, ເຢຍລະມັນ

17. ຮົງກົງ, ສປ ຈີນ.

16. ໂມດສະກູ, ຣັດເຊຍ

15. ແວນໂຄເວີ, ອາເມລິກາ

14. ມິວນິກ, ເຢຍລະມັນ

13. ເບີລິນ, ເຢຍລະມັນ

12. ຊິກາໂກ, ອາເມລິກາ

11. ໂຕກຽວ, ປະເທດ ຍີ່ປຸ່ນ

• ອັນດັບ 10 ເຖິງອັນດັບ 1 ປະກອບມີ:

10. ນະຄອນອຳສະເຕີດຳ (Amsterdam) ປະເທດໂຮນລັງ ທີ່ກໍາລັງກ້າວໜ້າ ດ້ານເຕັກໂນໂລຊີ, ການເງິນ, ປະສິດທິພາບຂອງພະລັງງານ ແລະ ວັດທະນະທຳ Startup ໂດຍສະເພາະສະຖານທີ່ແຫ່ງນີ້ ກຳລັງສ້າງໃຫ້ເຫັນເມືອງແຫ່ງອັດສະລິຍະ ໃນອະນາຄົດອັນໃກ້ ເມື່ອມີການລົງທຶນຫຼາຍເຂົ້າໃນການພັດທະນາລົດຍົນໄຟຟ້າ.



9. ສິງກະໂປ ເຖິງວ່າຈະເປັນປະເທດທີ່ມີເນື້ອທີ່ນ້ອຍ ແຕ່ພວກເຂົາໄດ້ສະແດງໃຫ້ເຫັນວ່າ ສະຖານທີ່ແຫ່ງນີ້ເປັນບ່ອນດິຶງດູດຂອງນັກຂຽນ ໂປຣແກຣມ ແລະ ກອງທຶນຕ່າງໆ ທີ່ເປັນໂຕສະໜັບສະໜູນການພັດທະນາ ແລະ ການຂະຫຍາຍທຸລະກິດຂອງບັນດາບໍລິສັດທາງ ດ້ານໄອຊີທີ. ສິງກະໂປ ເປັນປະເທດທີ່ມີລະບົບໂຄງລາງພື້ນຖານ ທີ່ທັນສະໄໝສຸດໆ.



8. ນະຄອນໂຕລອນໂຕ (Toronto) ຂອງປະເທດການາດາ ເປັນສະຖານທີ່ ທີ່ມີບໍລິສັດເຕັກໂນໂລຊີຊັ້ນນຳຂອງປະເທດການາດາ ຫຼາຍກວ່າ 30%. ໃນນີ້ກໍມີບໍລິສັດຊື່ສຽງລະດັບໂລກຢ່າງ Cisco. ນອກຈາກນັ້ນ, ກໍເປັນນະຄອນທີ່ ດຶງດູດ ທຸລະກິດເລີ່ມຕົ້ນໃໝ່ ທາງດ້ານໄອຊີທີ (Startup) ຊຶ່ງໂດດເດັ່ນໃນນີ້ກໍແມ່ນ UBER.



7. ນະຄອນຫຼວງໄທເປ (Taipei) ຂອງໄຕ້ຫວັນ ແມ່ນຢູ່ໃນລຳດັບທີ 7. ການນຳຂອງນະຄອນຫຼວງແຫ່ງນີ້ໄດ້ໃຫ້ບູລິມາສິດໃນການພັດ ທະນາໄອຊີທີ ໂດຍສະເພາະທາງດ້ານຮາດແວ ຊຶ່ງ Asus, MSI, Gigabyte, Acer ກໍເປັນບໍລິສັດທີ່ມີຊື່ສຽງລະດັບໂລກທີ່ມີສຳນັກ ງານໃຫ່ຍໃນນະຄອນຫຼວງແຫ່ງນີ້.



6. ນະຄອນບອດສະຕັນ (Boston) ເປັນນະຄອນໄຮເທັກທີ່ນອນອັນດັບ 6 ບໍ່ພຽງເປັນແຫ່ງທີ່ມີບັນດາມະຫາວິທະຍາໄລເກົ່າແກ່ ແລະ ມີຊື່ສຽງ ເຊັ່ນ: ມະຫາວິທະຍາໄລ MIT, Harvard. ນະຄອນບອດສະຕັນ ຍັງຮູ້ກັນດີວ່າເປັນນະຄອນແຫ່ງເຕັກໂນໂລຊີຂັ້ນສູງ. ໂດຍສະເພາະເປັນບ່ອນທີ່ມີການພັດທະນາເຕັກໂນໂລຊີ ຊີວະພາບ ແລະ ຫຸ່ນຍົນ. ນອກຈາກນັ້ນ, ສະຖານທີ່ແຫ່ງນີ້ຍັງເປັນບ່ອນດຶງດູດ ການລົງທຶນເຂົ້າໃນວຽກງານຄົ້ນຄວ້າ ແລະ ພັດທະນາອີກຫຼາຍເຕັກໂນໂລຊີ ເຊັ່ນ: ສູນ R&D ຂອງ Facebook ແລະ Amazon.



5. ນະຄອນລອສແອນເຈີລິດ (Los Angeles) ອົງການຄົ້ນຄວ້າພັດທະນາເສດຖະກິດ ແອວເອ (LA County Economic Development Corporation) ໄດ້ເຄີຍເນັ້ນໜັກໃນປີ 2014 ວ່າ ນະຄອນລອສແອນເຈີລິດ ຈະກາຍເປັນສະຖານທີ່ ທີ່ດຶງດູດທາງດ້ານເຕັກໂນໂລຊີຂັ້ນສູງ ຫຼາຍກວ່ານະຄອນອື່ນໃນປະເທດອາເມລິກາ ແລະ ປະຈຸບັນ ສິ່່ງນັ້ນກໍພິສູດວ່າເປັນຈິງ. ເພາະນະຄອນແຫ່ງນີ້ ຢູ່ໜຶ່ງໃນ 5 ຂອງນະຄອນໄຮເທັກ.



4. ນະຄອນຫຼວງເຊອຸນ (Seoul) ປະເທດເກົາຫຼີ ນະຄອນແຫ່ງອະນາຄົດ ທີ່ໄດ້ຮັບໃບຢັ້ງຢືນຊັບສິນທາງປັນຍາທາງດ້ານເຕັກໂນໂລຊີ ເປັນຈຳນວນຫຼາຍໃນລະດັບຕົ້ນໆຂອງໂລກ ແລະ ກໍເປັນປະເທດທີ່ນຳໜ້າໃນຂະແໜງການໄອຊີທີ. ນະຄອນຫຼວງເຊອຸນ ກໍແມ່ນຈຸດ ກຳເນີດຂອງເຄືອຂ່າຍ 5G.



3. ນະຄອນ New York ທີ່ມີບໍລິສັດເຕັກໂນໂລຊີຂັ້ນສູງຫຼາຍກວ່າ 7000 ບໍລິສັດ, ຈຶ່ງເຮັດໃຫ້ຢູ່ໃນລຳດັບທີ 3 ຂອງຕາຕະລາງ ນະຄອນໄຮເທັກທີ່ສຸດ. ນະຄອນແຫ່ງນີ້ມີທຸກເຕັກໂນໂລຊີລະດັບໂລກ ແລະ ໃນທຸກມູມທຸກແຈລ້ວນແຕ່ມີການນຳໃຊ້ເຕັກໂນໂລຊີ.



2. ນະຄອນຫຼວງລອນດອນ (London) ຂອງອັງກິດ ຢູ່ໃນລຳດັບທີ 2 ດ້ວຍໂຄງລາງພື້ນຖານທີ່ໄດ້ຮັບການປັບປຸງຢ່າງລຽນຕິດ ເປັນຕົ້ນແມ່ນ ລະບົບລົດໄຟທີ່ຄອບຄຸມດ້ວຍຄອມພິວເຕີທັງໝົດ ດ້ວຍມູນຄ່າກ່ວາ 20 ຕື້ໂດລາສະຫາລັດ. ນະຄອນຫຼວງແຫ່ງນີ້ ຄາດວ່າຈະໄດ້ຮັບການຕີລາຄາເປັນນະຄອນຫຼວງທັນສະໄໝທີ່ສຸດຂອງໂລກໃນປີ 2018 ແລະ ຄາດວ່າຈະມີແຮງງານທີ່ເຮັດວຽກ ກ່ຽວກັບເຕັກໂນໂລຊີເພີ່ມຂຶ້ນ 11,000 ຄົນ ໃນ 10 ປີຕໍ່ໜ້າ.



1. ນະຄອນ San Francisco ແມ່ນຖືກຈັດໃນຕຳແໜ່ງອັນດັບໜຶ່ງໃນຕາຕະລາງຂອງ 2thinknow, ຊຶ່ງກໍຄົງຈະເຂົ້າໃຈງ່າຍເປັນຫຍັງ ນະຄອນແຫ່ງນີ້ເປັນນະຄອນທີ່ທັນສະໄໝທີ່ສຸດ ຍ້ອນນະຄອນແຫ່ງນີ້ມີເຂດພັດທະນາທີ່ມີຊື່ສຽງທີ່ສຸດໃນໂລກ ຄື ເຂດພັດທະນາ Silicon ຊຶ່ງເປັນບ່ອນລວມສູນຂອງບໍລິສັດໄອຊີທີລະດັບໂລກກວ່າແສນບໍລິສັດ ເປັນຕົ້ນ Apple, Abobe, Logitech, Cisco, Yahoo…



2thinknow ໄດ້ເຮັດການສຳຫຼວດ ແລະ ປະເມີນຜົນແບບນີ້ 9 ປີຜ່ານມາ ໂດຍເລີ່ມຕັ້ງແຕ່ປີ 2003 ແລະ ມີເຖິງ 500 ຕົວເມືອງ/ນະຄອນ ທົ່ວໂລກ ທີ່ໄດ້ຮັບການຈັດອັນດັບ. ໃນນັ້ນ, ກໍມີບັນດານະຄອນຫຼວງຂອງບັນດາປະເທດອາຊຽນ ເຊັ່ນ: ບາງກອກ (ປະເທດໄທ), ພະນົມເປນ (ກຳປຸເຈຍ), ຢາງກຸງ (ພະມ້າ). ແຕ່ນະຄອນຫຼວງວຽງຈັນ ຍັງບໍ່ໄດ້ຮັບການປະເມີນຜົນເທື່ອ.



ຜູ້ສະຫນັບສະຫນູນ

ຈຳນວນຜູ້ເຂົ້າຊົມເວັບໄຊ

ມື້ນີ້   10
ມື້ວານນີ້   24
ອາທິດນີ້   488
ອາທິດແລ້ວນີ້   971
ເດືອນນີ້   2776
ເດືອນແລ້ວນີ້   8303
ທັງຫມົດ   38310

ຕິດຕໍ່ພວກເຮົາ

>