ກອງປະຊຸມ ອິນເຕີເນັດໂລກ ຄັ້ງທີ 4 ປີ 2017



ທ່ານ ບຸນສະເຫຼີມໄຊ ເຄນນາວົງ, ຮອງລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ພ້ອມດ້ວຍຄະນະ ໄດ້ເດີນທາງໄປເຂົ້າຮ່ວມ ກອງປະຊຸມ ອິນເຕີເນັດໂລກຄັ້ງທີ 4 “The 4th World Internet Conference” ທີ່ເມືອງ ວູເຈິ້ນ, ສປ. ຈີນ ເມື່ອບໍ່ດົນມານີ້. ຊື່ງຈັດຂຶ້ນໂດຍ ຄະນະກໍາມະການພັດທະນາ ແລະ ປະຕິຮູບ ແຫ່ງຊາດ (National Development and Reform Commission (NDRC)) ສປ ຈີນ ແລະ ຄະນະກຳມະການບໍລິຫານອິນເຕີເນັດ (Cyberspace Administration of China (CAC)) ສປ ຈີນ.

ໃນງານ, ທ່ານ ບຸນສະເຫຼີມໄຊ ເຄນນະວົງ ໄດ້ຂຶ້ນກ່າວຂໍ້ລິເລີ່ມ ການຮ່ວມມືສາກົນດ້ານເສດຖະກິດດີຈີຕອນ ຕາມ “ໜຶ່ງແລວທາງ ໜຶ່ງເສັ້ນທາງ” ("The Belt and Road" Digital Economy International Cooperation Initiative), ຮ່ວມກັບ ບັນດາປະເທດທີ່ນອນໃນແລວທາງດັ່ງກ່າວ. ຊຶ່ງຂໍ້ລິເລີ່ມສະບັບນີ້ ເປັນເງື່ອນໄຂອັນດີ ໃຫ້ກັບ ສປປ ລາວ ເພາະວ່າຈະກາຍເປັນສ່ວນໜຶ່ງຂອງ ເສັ້ນທາງສາຍໄໝດີຈີຕອນ “Digital Silk Road”, ທີ່ຫັນປະເທດລາວ ຈາກປະເທດບໍ່ມີຊາຍແດນຕິດຈອດກັບທະເລ ໃຫ້ກາຍເປັນປະເທດທີ່ມີການເຊື່ອມໂຍງ, ເປັນທາງຜ່ານດ້ານໂທລະຄົມມະນາຄົມ ແລະ ອິນເຕີເນັດ ພ້ອມທັງເປັນສ່ວນສຳຄັນ ໃນການກ້າວເຂົ້າສູ່ການພັດທະນາເສດຖະກິດ ດີຈີຕອນ. ຊຶ່ງຈະເປັນບາດກ້າວທໍາອິດ ໃນການຈັດຕັ້ງປະຕິບັດບົດບັນທຶກຄວາມເຂົ້າໃຈ (MOU) ລະຫວ່າງ ກະຊວງ ປທສ ແລະ ອົງການ NDRC ສປ ຈີນ ໃນຫົວຂໍ້ ການເພີ່ມທະວີການພັດທະນາເສັ້ນທາງສາຍໄໝດິຈິຕອນ ເພື່ອຊຸກຍູ້ການເຊື່ອມຈອດຂໍ້ມູນຂ່າວສານ (Strengthening the Development of Digital Silk Road for Information Connectivity) ທີ່ໄດ້ເຊັນກັນ ໃນລະຫວ່າງການຢ້ຽມຢາມລັດຖະກິດ ຂອງ ພະນະທ່ານ ສີ ຈິ້ນຜິງ ປະທານປະເທດ ສປຈີນ ໃນລະຫວ່າງວັນທີ 13-14 ພະຈິກ 2017 ທີ່ຜ່ານມາ.

ໃນໂອກາດດຽວກັນ ທ່ານຮອງລັດຖະມົນຕີ ພ້ອມດ້ວຍຄະນະ ກໍ່ໄດ້ເຂົ້່າຮ່ວມຫຼາຍກອງປະຊຸມປິ່ນອ້ອມທີ່ສຳຄັນ ແລະ ໄດ້ຮັບຟັງຫຼາຍບັນຫາ ພ້ອມທັງສະພາບການພັດທະນາໄອຊີທີ ໃນໂລກ ໂດຍສະເພາະຫົວຂໍ້ IoT (Internet of Things), ການເຊື່ອມຕໍ່ອິນເຕີເນັດຄວາມໄວສູງ (Internet Plus), ປັນຍາປະດິດ (Artificial Intelligent) ແລະ ການຄ້າທາງເອເລັກໂຕຣນິກ (E-Commerce). ໃນງານ, ຍັງມີບັນດາບໍລິສັດໃຫຍ່ໆ ທີມີອິດທິພົນໃນດ້ານອຸດສະຫະກໍາໄອຊີທີ ຂອງໂລກ ຜັດປ່ຽນກັນ ຂຶ້ນກ່າວ ແລະ ປະກອບຄຳເຫັນ ຕໍ່ການພັດທະນາ ICT ໃນຂົງເຂດວຽກງານຂອງຕົນ ເປັນຕົ້ນແມ່ນ ຜູ້ອຳນວຍການໃຫຍ່ຂອງ ບໍລິສັດ Alibaba, Cisco, Apple, ແລະ Google.



ຜູ້ສະຫນັບສະຫນູນ

ຈຳນວນຜູ້ເຂົ້າຊົມເວັບໄຊ

ມື້ນີ້   15
ມື້ວານນີ້   31
ອາທິດນີ້   1981
ອາທິດແລ້ວນີ້   2007
ເດືອນນີ້   8762
ເດືອນແລ້ວນີ້   7141
ທັງຫມົດ   50336

ຕິດຕໍ່ພວກເຮົາ

>